Schweschderehüs

Freair hets in fascht jedem Dorf Gmeinschweschtere gä. Bi uns ware si im Kindergarte obedrin.
Odr anderschtrum, dr Kindergartä war im Schweschterehüs.

3 Schweschtere (katholischi Nonne, mit allem drum un dra) hämr ka,

Kindergarteschweschter Gerhild , si war aweng schdrenger, An dr Kindrgartä denkt mr z.B. dr Mittagsschlof. Schweschtr Gerhild hed so kleini Feldbette ufgschdellt un het schdreng ibwacht, as mr jo schlofe. Zmindescht war absoluti Ruähi agsait.
Wemmr brav ware heds als Brausepulvr gä. Dea kleine Tütli, ich wollt imma Himbeerbrause. Zum trinkä simr nea kumme, ufgrisse un dr Fingr, odr dZung dri.

dKrankeschweschtr, sdenkt mr kei Name, swar halt dKrankeschweschtr. Si het sich um alles kimmert, was im Dorf agfalle isch. Vu Wöchnerinne, ibr Altenpflege, bis zum bluadige Knie. Dlid ware arm, bi dr Krankeschweschtr gabs Vrbandsmatrial, Tablettä, Pfläschdrli un immer a uffes Ohr, egal fir was.

Minr Liebling war dNaischweschtr.
Da mr si nur mit "Schweschtr" agred het, denkt mr ai do kai Name. Si het mr snaie (nähen) bei brocht. Vu Bettwesch, ibr Nachthem oder a Schurz, alles vu Hand. Kleini Schdich, unsichtbari Neht, Knepf mit Krage, dea Naischdunde ware als toll.

Eimol habi derfe mitere nuff in Ihri Zimmr, i war scho immr a Wundrfitz, dNaischweschdr het dann mol dr Schleier abgnumme un hetmrn ufgsetzt. Mr hen is guat vrschdande un i hab langi Zit ins Kloschdr welle.
Des het sich dann mit dr Puprdät glegt.

Wemmr ins Schweschderehüs nikumme isch, no war rechts sKrankezimmr, links a Zimmer mit Beachr, do het mr sich kenne a Buach üslege, gradüss war dr Kindrgarte, links drfu sNaizimmer un obedrin dr Schweschdere ihre Reich.
Vum Kindrgarte isch mr nüss ufd Terras kumme, un no in Hof. Hintrm Hof war dr Garte, mit Gmeas, Beere, a Nuss un a Epflbaim, scheen groß warer, dr Vatr het dert viel drin gholfe un dLid hen immamol Gmeas drfu bikummä.

Mit dr Zit sin unsri Schweschtr alt wore, un si sin dann noch un noch nach Gengebach ins Mutterhaus kumme. So um de 70iger rum het sich des Schweschterehüs so langsam gleert.
Schad drum, si ware scho a Bereicherung fir jedi Gmein.