Rindsruladä

Rindsroulade isch a traditionelles Fleischgricht. Des heds eftrs gä un bsundrs gern zua Feschtli, wil mrs guat vorbereite kann, isch jo a Schmorgricht.

Wichtig bi dr Ruladä ischs Fleisch. Wennr in dr Üslag schmali rosarodi grobfasrigi Lappe sehnä, lens liegä, taugt nix.

s'Fleisch muas üs dr Rindrkeule, Obrschale, odr Nuss kumme. Smuas scheen dunkl si, a Zeiche ases guat abghängt isch, kleini Fasere (fachmännisch gege dFaser gschnitte), un scheen großi Schiewä ha.

Rindsrulädä kammr mit allem megligä fille, Zwiewlä, Bräd, Eier, Gmeas, etc.

Ich mach si, wea ich si vu freair kenn.

Speck wirfle, Gurgä in Stifte gschnitte, fertig.

Dr Rindrlabbä üsbreidä, Senf drufstrichä, Salz, Pfeffer, Gurkestift und Speck druff vrteilä, weaviel vu jedem un wea dick asr fillä, isch jedem selwr iblo.

Jetz dea Rindrlabbä links un rechts ischlage un vu unte her irollä, mit Fade, Zahnstocher, oder Klammere a Päckli mache.

In a Schmortopf aweng Fett nigä un dann d Rulädä. Si sollä scheen rundrum abrotä were un Farb nemme, nomol Salz un Pfeffr driber un bim abrotä Zit lo.

Fir a guadi Soß kumme jetz Zwiewle, Karettli, villicht a Paprika, Knowlig un Tomatemark drzua.Ablesche mit Breaiä, bis dRulädä bedeckt sin un mindeschtens 1 1/2 Std. schmurglä lo, also nit wild blubbere, sondern sanft kechlä.

Mir hen si imma am Obend vorher gmacht un ibr dNacht stoh glo, as si scheen durchzeagä.

So, smeischt isch gmacht, Rindsrulädä rüsshole, Fade etc. aweg mache, dSoß ind flotte Lotte, odr durch a Sieb gstrichä, zruck in Hafe, wenn netig aweng abbindä, Rulädä widr dri, fertig.

Beilage bliewe jedem selbr ibrlo, am beschte isch Herdepflbrei un Rotkrüt un vu Klei uf hemmr als Herdepflbrei in Dellr, Krüt dribr, durchenandr greahrt, kleini Mulde gmacht, mit Soß ufgfillt un dRulad drzua. Jesses war des als guat!