Schwiensfeaßli

Bi Schwiensfeaßli bikumme manchi Schnappatmung, des ein odr andr "iiih" kreagt mr zhere un alles nur, weil dea Soi mitene rumgrennt isch. Un? Uf Schnitzel schteen alli un des kunnt vum Arsch, abr lehmr des.
sBerühmteschte Schwiensfiaßli isch s Eisbein, sFeaßli isch in viele Ländr a Schbezialidät un wird ai in viele Wurschtsorte mitvrarbeitet. Presskopf, Schwartemage, Schwarzwurscht un un un.

Nonit lang her hedsessi umsuscht bim Metzger gä, der war froh, wennr si loswore isch, hitsdag hän dLid nimmi soviel Geld un no erinnere si sich an alti Rezeptr. Jetz zahlsch a kilopreis.

Ala, Schwiensfeaßli kamr uf allerlei Arte mache. Eifach abkocht inere Breaiä un a Gallere drüs gmacht, miteme hertä Ei un Girgli als Dellrgallere, a Fescht.

Ich hab si am leabschdä als Brodis un uf dea Soß schdehn alli, i sags eich. Also dFeaßli wirze, Salz Pfeffr, wer will aweng Paprika, rundrum scharf abrote, dann kumme si kurz rüss un im ibrigä Fett Zwiewlä, Knoblig, Karettli un Sellrig abrote. Tomatemark mitreschdä, dFeaß widr dri un mit Wasser ableschä, so as dFeaßli guat bedeckt sin. Nit zviel, 1 Feaßli mit 5 L Wasser gid kei Soß.

Jetz lehmr si kechlä, nit wild, sonder grad so aweng blubbere, je nach Greßi a Schdund, andrthalb, wenn dFleischgabl durch god wea ind Buddr, no sinsi rächt.
Si kumme rüss üs dr Soß un solle aweng abkeahlä. DSoß lehmr ikoche, abbinde, ob mit Soßewirfl, oder Mählbäbbli, isch egal, abschmecke un fertig isch dSoß.

dFeaßli were vun dr Knochä gleest, isch a Zuzelarwet, abr lohnt sich, no kumme si zruck ind Soß.

Beilage basst alles, Nüdlä, Herdepfl, Ries, Brot, alles.

A Guadä..